"İstənilən qiymət artımı əsaslandırılmalıdır" - İqtisadçıdan etiraz
“Dövlət xidmətlərinin verdiyi tariflərin vətəndaşlara verilən xidmətlərin rüsumunun maya dəyərinə uyğunlaşdırılmasının tərəfdarıyam.”
Bu sözləri dövlət rüsumlarının məbləğinin dəyişdirilməsinə təsir edən amilləri qiymətləndirən Nazim Bəydəmirli Busaat.az-a açıqlamasında deyib.
Sivil dünyada bu xidmətlərə simvolik rüsumlar tətbiq olunur və buna hökumətlər qazanc mənbəyi kimi baxmırlar. Maya dəyərindən dəfələrlə baha xidmət vermək dövlət ərkanına yaraşmayandır.
“Mən bir iqtisadçı olaraq, hər zaman qiymət artımının əsaslandırılmasını görmək istəyərdim. Bu əsaslandırma hökumət tərəfindən aparılmayb . Həmin qiynətlərin maya dəyərinə nə qədər uyğun olub olmaması vətəndaşlarda sual doğurur. O baxımdan, mən hesab edirəm ki, 100 milyon əlavə dövlət büdcəsi qazanmaq, ki bu o qədər də böyük qazanc deyil, bazar prinsiplərinə ziddir. Dövlət tərəfindən istənilən qiymət artımı əsaslandırılmalı və vətəndaşlara heaabat verilmılidir. Bu zaman vətəndaşlar bu kimi halları daha anlayışla qəbul edər. Bu cür qiymət artımları heç bir ölkədə düzgün qarşılanmır. Bu hal bizə düzgün idarəetmənin olmamasından və gəlirlərlə bağlı problemlərin mövcudluğundan xəbər verir.”
Nərmin Kərim
