Kəlbəcər rayonuna yeni prokuror təyin edilib.
Busaat.az-ın Qafqazinfo-ya istinadən məlumatına görə, bu barədə baş prokuror Kamran Əliyev Əmr imzalayıb.
Əmrə əsasən, İlkin İsmayılov rayonun yeni prokuroru olaraq təsdiqlənib.
Qeyd edək ki, İ.İsmayılov daha əvvəl Prokurorluqda İstintaqa nəzarət şöbəsinin rəis müavini işləyib.
Bundan əlavə, Saatlı rayonu prokuroru Adil Vəliyev vəzifəsindən azad olunub. Elnur Rüstəmov bu vəzifəyə təyin edilib.
Qeyd edək ki, E.Rüstəmov bu təyinata qədər Prokurorluqda İstintaqa nəzarət idarəsinin rəis müavini, daha əvvəl Füzuli rayonunun prokuroru işləyib.
