“Çelsi”nin sabiq hücumçusu Kris Satton “Liverpul”un hücumçusu Məhəmməd Salahın “Əl İttihad”a keçidi haqda danışıb.
Busaat.az xəbər verir ki, bu barədə Daily Mail məlumat yayıb.
“Düşünürəm ki, Salah indi “Liverpul”u tərk edib Səudiyyə Ərəbistanına gedə bilməz. Onun transfer pəncərəsinin bitməsinə cəmi bir neçə gün qalıb. Məncə, Salah “Liverpul”u tərk etmək qərarına gəlsə, qalmaqal yaranacaq. Hesab edirəm ki, Salah indi klubu tərk edərsə, bu, Salahı olduğu kimi dünya səviyyəli oyunçuya çevirən Yurqen Klopp üçün əsl zərbə olacaq. Klopp Salaha böyük sədaqət nümayiş etdirdi və o da “Liverpul”a sadiq qaldı. Fikrimcə, Salah da Yurqen Kloppa borcludur.”
Xatırladaq ki, Salah 2015-ci ildən “Liverpul”da çıxış edir. Futbolçu ilə klub arasında müqavilə 2025-ci ilə qədər nəzərdə tutulub.
