Belarus prezidenti Aleksandr Lukaşenko rusiyalı həmkarı Vladimir Putinlə oktyabrın ortalarında Qırğızıstanda görüşəcək.
Busaat.az xəbər verir ki, o, bu barədə Leninqrad vilayətinin qubernatoru Aleksandr Drozdenkoya deyib.
“Putin və mən oktyabrın 15-də Qırğızıstanda görüşəcəyik”, – Lukaşenko söyləyib.
Həmçinin, o Putinlə telefon danışığında əsas ikitərəfli layihələri müzakirə etdiyini deyib.
“Dünən mən Rusiya prezidenti ilə danışdım. Deməliyəm ki, biz iki layihəni müzakirə etdik”, – deyən Belarus lideri Qırğızıstanda keçiriləcək görüşdə bu layihələrin daha da müzakirə ediləcəyini bildirib.
Lukaşenko deyib ki, o, Putinlə Rusiyada yüksək tələbat olan kiçik təyyarələrin birgə istehsalını müzakirə edib.
“Biz Belarusda müvafiq səlahiyyətlərə malikik, ona görə də biz belə təyyarələrin yaradılmasını və İl-96 yük təyyarəsi üçün ayrı-ayrı komponentlərin istehsalını və burada texniki xidməti daha fəal inkişaf etdirməyi təklif etdik. Digər layihə Belarusdan Sankt-Peterburqa ikinci dəmir yolu xəttinin tikintisidir. Sankt-Peterburqa biz böyük miqdarda yükləri sizin limanlarınıza göndərə və oradan bütün dünyaya xidmət edə bilək”, – belarus lideri deyib.
