İsrail vəhşicəsinə hücuma məruz qalıb, lakin nizamlanma yalnız paytaxtı Şərqi Qüds olan müstəqil Fələstinin yaradılması ilə mümkün olacaq.
Busaat.az xəbər verir ki, bu barədə Rusiya prezidenti Vladimir Putin MDB sammitində deyib.
Rusiya “Fələstin-İsrail münaqişəsinin danışıqlar yolu ilə həllinin alternativi yoxdur” postulatından irəli gəlir.
“Danışıqların məqsədi Birləşmiş Millətlər Təşkilatının iki dövlət formulunun həyata keçirilməsi olmalıdır ki, bu da paytaxtı Şərqi Qüds olan, İsraillə sülh və təhlükəsizlik şəraitində birgə mövcud olan müstəqil Fələstin dövlətinin yaradılmasını nəzərdə tutur. İsrail görünməmiş vəhşiliyə, hücuma məruz qalıb. Təbii ki, İsrailin özünü müdafiə etmək və dinc mövcudluğunu təmin etmək hüququ var”, – Putin söyləyib.
O, bu problemin sülh yolu ilə həlli üçün çalışmağın vacib olduğunu vurğulayıb.
“Mənim gördüyüm kimi, belə bir vəziyyətdə və bu xüsusi yerdə iki müstəqil dövlətə alternativ yoxdur”, – Rusiya lideri əlavə edib.
