Mahir Emreliyə böyük maraq: Avropa klubları oyununu izləməyə gedir - SİYAHI

Mahir Emreli Avropanın aparıcı klublarının maraq dairəsinə düşüb.

Busaat.az  xəbər verir ki, bu barədə sportowefakty.wp.pl portalı xəbər yayıb. İddia olunub ki, Almaniyanın “Herta Berlin”, “Hoffenmhaym” və “Borussiya” (Mönxenqladbax), İtaliyanın “Fiorentina”, Fransanın “Lill”, Danimarkanın “Midtüllan” və Çexiyanın “Slaviya” (Praqa) klubları “Legia”da çıxış edən futbolçumuzla maraqlanır.

Məlumata görə, həmin klubların skautları 24 yaşlı hücumçunun oyununu izləyəcəklər. Onlar forvardı iş başında görmək üçün Varşava təmsilçisinin evdə “Lex”ə qarşı keçirəcəyi Ekstraklasanın XII tur matçına tribunadan canlı baxacaqlar.

Qeyd edək ki, bu gün oynanılacaq “Legiya” – “Lex” görüşü Bakı vaxtı ilə saat 19:30-da başlayacaq.