“Mançester Siti” kataloniyalı baş məşqçi Xosep Qvardiolanın rəhbərliyi altında İngiltərə Premyer Liqasında ən pis seriyanı təkrarlayıb.
Busaat.az Opta-ya istinadən xəbər verir ki, əvvəlki dörd oyunda “Mançester Siti” “Çelsi” (4:4), “Liverpul” (1:1) və “Tottenhem” (3:3) ilə heç-heçə edib, “Aston Villa”ya uduzub (0:1).
Qvardiolanın dövründə ilk dəfə 2016-2017-ci il çempionatında belə seriya baş verib. Həmin vaxt “Mançester Siti” “Stok Siti” (0:0), “Liverpul” (1:1) və “Arsenal” (2:2) ilə heç-heçə oynamış, “Çelsi”yə (1:2) məğlub olmuşdu.
Premyer Liqanın 15 turundan sonra “Mançester Siti” lider “Arsenal”dan 6 xal geri qalaraq 30 xalla 4-cüdür.
