Məcburi köçkünlərin məskunlaşdığı tikilidə yanğın, 2 nəfər xəsarət aldı
Abşeron rayonunda ümumi sahəsi 200 m² olan məcburi köçkünlərin məskunlaşdığı birmərtəbəli tikilidə sahəsi 35 m² olan iki otağın yanar konstruksiyaları və ev əşyaları yanıb.
Fövqəladə Hallar Nazirliyinin (FHN) Mətbuat xidmətindən Publika.az-a verilən məlumata görə, yanğın zamanı 2 nəfər yanıq xəsarəti alıb. Tikilinin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
