Türkiyə prezidenti Rəcəb Tayyib Ərdoğan Rusiya prezidenti Vladimir Putinlə və ümumilikdə iki ölkə arasındakı münasibətləri dürüst və etimada əsaslanan münasibətlər kimi xarakterizə edib.
Busaat.az xəbər verir ki, bu barədə Ərdoğan bazar günü gənclərlə keçirdiyi görüşdə deyib.
“Rusiya ilə münasibətlərə hörmətimiz və etibarımız var. Mənim cənab Putinlə münasibətlərim isə dürüstlük üzərində qurulub. Tatarıstan, Dağıstanla bağlı bütün müraciətlərimiz cavablandırılır”.
Türkiyə prezidentinin sözlərinə görə, S-400 sistemlərinin alınması ilə bağlı digər ölkələrdən “çoxlu təhdidlər” olub. “Ancaq biz S-400 almışıq.
Bu kontekstdə o, F-16 və F-35 döyüş təyyarələrinin mümkün tədarükü mövzusuna toxunub. “F-16 təyyarələrinə gəlincə, biz onları ABŞ-dan almaq istəyirik, lakin onları bizə vermirlər. ABŞ F-təyyarələrinə görə verdiyi sözü tutmadı. Türkiyə bunun üçün ABŞ-a təxminən 1,4 milyard dolları ödəyib. Verməsələr, bunun öz qiyməti olacaq” – Prezident deyib.
Qeyd edək ki, Ankaranın Rusiyadan S-400 hava hücumundan müdafiə sistemlərini almasından sonra məsələ dondurulub. Razılaşma həmçinin Türkiyənin F-35 döyüş təyyarələrinin hazırlanması və istehsalı layihəsində iştirakını dayandırıb. ABŞ Konqresində Türkiyə ilə F-16 sövdələşməsinin əleyhdarları Ankaranın Helsinki və Stokholmun NATO-ya qəbuluna icazə verməməsi və Moskva ilə əlaqələrinə müqavimət göstərməsi ilə əsaslandırılır. Türkiyə isə öz növbəsində ABŞ tərəfinin irəli sürdüyü sazişin həyata keçirilməsi üçün istənilən şərti rədd etdiyini bildirir.
Busaat.az
