Məşhur Kanada aktyoru, “Qurdlarla rəqslər” filmindəki rolu ilə tanınan Qrem Qrin 73 yaşında vəfat edib.
Busaat.az Ajans.az-a istinadən xəbər verir ki,onun təbii səbəblərdən dinc şəkildə dünyasını dəyişdiyini bildirib.
Qrin 1990-cı ildə Kevin Kostnerin rejissorluq etdiyi epik “Qurdlarla rəqslər” filmində Lakota həkimi Kicking Bird obrazına görə “Ən yaxşı kişi ikinci plan aktyoru” nominasiyasında “Oskar”a namizəd olub.
Oneida Nation icmasının üzvü olan sənətçi aktyorluğa başlamazdan əvvəl rəssam, polad işçisi, texnoloq və musiqiçi kimi çalışıb. 1970-ci illərdə Böyük Britaniyada teatr səhnəsində karyerasına start verən Qrin sonradan Hollivudda məşhurlaşıb.
O, “Thunderheart” (1992), “Maverick” (1994), “İntiqamla Ağır Öl” (1995), “Yaşıl Mil” (1999), “Alatoranlıq: Yeni Ay” (2009) və “Külək Çayı” (2017) kimi filmlərdə yaddaqalan rollar ifa edib.
Qrin yaradıcılığı ərzində bir sıra mükafatlara, o cümlədən 2004-cü ildə Kanada Kino və Televiziya Akademiyasının “Erl Qrey” mükafatına və 2016-cı ildə ölkənin ikinci ən yüksək mülki şərəfi olan Kanada Ordeninə layiq görülüb.
