Myanmadakı etiraz aksiyaları zamanı təhlükəsizlik qüvvələrinin müdaxiləsi nəticəsində ölənlərin sayı 320-yə çatıb.
Busaat.az xəbər verir ki, bu barədə Myanma Siyasi Məhbuslara Yardım Təşkilatının etirazlarla əlaqədar hazırladığı gündəlik hesabatda qeyd edilib.
Bildirilib ki, son 24 saat ərzində daha 34 etirazçı öldürülüb. Həyatını itirənlərin əksəriyyətinin 18-24 yaş qrupundakı gənclər olduğu qeyd edilib.
Hesabatda ölənlərdən 264 nəfərin təhlükəsizlik qüvvələri tərəfindən vurulduğu, 56-nın isə ölüm səbəbinin müəyyənləşdirilmədiyi vurğulanıb.
Qeyd edək ki, Myanma ordusu 8 noyabr 2020-ci il seçkilərindəki saxtakarlıq və ölkədəki siyasi gərginliyin artmasını səbəb gətirərək hakimiyyəti fevralın 1-də ələ keçirib və bundan sonra ölkədə nümayişlər başlayıb.
