NATO “Steadfast Dart 2025” genişmiqyaslı təlimə başlayir

Rumıniyada yanvarın 13-dən fevralın 26-dək davam edəcək NATO-nun genişmiqyaslı “Steadfast Dart 2025” təlimi başlayıb.

Təlimlər haqqında əsas məlumat:

– 9 ölkədən 10 min hərbi qulluqçu, aviasiya, donanma, quru qoşunları və xüsusi təyinatlı birləşmələr iştirak edir: Bolqarıstan, Böyük Britaniya, Yunanıstan, İspaniya, İtaliya, Rumıniya, Sloveniya, Türkiyə və Fransa;

– 17 dəniz gəmisi, 20 təyyarə və 1,5 min digər texnika, o cümlədən tanklar, piyadaların döyüş maşınları və artilleriyadan istifadə olunacaq;

– Əsas məqsəd uyğunluğun yoxlanılması da daxil olmaqla, NATO Cavab Qüvvələri üçün yerləşdirmə ssenarilərini sınaqdan keçirməkdir;

– Təlimlər Rumıniya, Bolqarıstan və Yunanıstanın yeddi poliqonunda baş tutacaq.

Şimali Atlantika Alyansının rəhbərliyi dəfələrlə Rusiyadan təhlükənin artdığını və bunun nəticəsində şərq cinahda təhlükəsizliyin gücləndirilməsinin vacibliyini bəyan edib. Rusiya ənənəvi olaraq bütün “münaqişə simulyasiyalarında” hipotetik düşmən kimi çıxış edir, buna görə də müttəfiq qüvvələrin hərəkətləri ilk növbədə Rusiya Silahlı Qüvvələrinin ərazisini və hərbi-texniki imkanlarını nəzərə alaraq Rusiya qoşunları ilə müharibəyə hazırlaşmağa yönəlib.