İsrail televiziyasının 14-cü kanalı xəbər verir ki, İsrailin baş naziri Benyamin Netanyahu radikallar tərəfindən saxlanılan bütün girovlar azad edilənə qədər kabinet nazirlərinə Qəzza sülh razılaşması ilə bağlı mediada şərh yazmağı qadağan edib.
Busaat.az bildirir ki, onun sözlərinə görə, sərəncam Fələstin anklavında münaqişənin sülh yolu ilə həllinin ilk mərhələsi olmalı olan bütün diri və ölü məhbusların qaytarılması planı həyata keçirilənədək qüvvədə qalacaq.
Oktyabrın 10-na keçən gecə yəhudi dövlətinin hökuməti bütün girovların – həm dirilərin, həm də ölülərin azad edilməsinə dair sazişi təsdiqləyib.
Oktyabrın 9-da ABŞ prezidenti Donald Tramp İsrail və Fələstinin radikal HƏMAS hərəkatının nümayəndələrinin Misirdəki danışıqlardan sonra sülh planının birinci mərhələsi üzrə razılığa gəldiyini açıqlayıb. Onun sözlərinə görə, bu mərhələ bütün girovların mümkün qədər tez azad edilməsini və İsrail qoşunlarının Qəzza daxilində razılaşdırılmış xəttə çıxarılmasını nəzərdə tutur.
Yeganə
