“O, “Qarabağ”a təslim olmayacaq”

image-idalesio1708602161backend

Portuqaliyanın “Braqa” klubunun sabiq müdafiəçisi İdalesio Avropa Liqasının pley-off mərhələsi çərçivəsində bu gün Bakıda “Qarabağ” qarşı ilə keçiriləcək cavab oyunundan (ilk oyun 2:4) gözləntilərini bölüşüb.

Busaat.az xəbər verir ki, “O Jogo”ya açıqlama verən 50 yaşlı veteran futbolçu Bakıdakı matç haqda ehtiyatlı danışıb:

“İlk matçın nəticəsi gözlənilməz oldu. Üstəlik, “Braqa” istedadlı və naməlum rəqiblərlə qarşılaşdı. İnanıram ki, komandanın futbolçularına cavab oyununda hansı tədbirlərin görülməsi lazım olduğu barədə məlumat verilib. “Qarabağ” texniki bacarıqları yüksək komandadır. Təbii ki, ilk oyuna yaxşı hazırlaşmışdı və ikinci oyunda da bunu edəcək. İlk matçın nəticəsi çox arzuolunan deyildi . “Braqa”nın bir yolu var ki, komanda birləşməlidir.

Mən Artur Jorjeni xarakterini yaxşı tanıyıram. O, təslim olmayacaq və oyunçulardan bu uğursuz dövrdən çıxmaq üçün mümkün olan hər şeyi etməyi tələb edəcək. Onlar bunu Farense ilə matçda (2:1) artıq bacarmışdılar”.

Qeyd edək ki, komandalar arasında Tofiq Bəhramov adına stadionda keçiriləcək görüş saat 21:45-də başlayacaq.

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90