Ozerov: “Afrika ölkələrinin BRİKS toplantılarında iştirakı vacibdir”

Rusiya Afrika ölkələrinin gələcək BRİKS tədbirlərində iştirakının vacibliyini dərk edir.

Busaat.az xəbər verir ki, bu barədə rusiyalı diplomat Oleq Ozerov bildirib.

“Əlbəttə Afrika ölkələri, xüsusən də Misir və Efiopiyanın BRİKS-ə qəbul edilməsi ilə bağlı qərarlar nəzərə alınmaqla BRİKS-in bu və ya digər tədbirlərinə dəvət oluna bilər”, – Ozerov söyləyib.

Onun sözlərinə görə, Moskva BRİKS-in müəyyən tədbirlərində Afrika ölkələrinin iştirakının məntiqli olduğunu güman edir.

“Başqa bir məsələ bunun praktikada necə həll ediləcəyidir. Növbəti sammitə (2024-cü ildə Rusiyada keçiriləcək) necə hazırlaşdığımızı görəcəyik”, – o vurğulayıb.

Özerov həmçinin xatırladıb ki, bu yaxınlarda Yohannesburqda keçirilən BRİKS sammitinə bir çox Afrika ölkəsi dəvət olunub və avqustun sonunda Outreach formatında keçirilib. O, həmçinin bildirib ki, BRİKS-in genişlənmə prosesi bu nöqtədə dayanmayacaq. Çünki assosiasiyaya üzv olmağa hazır olan başqa ölkələr də var.