Pensiyalarla bağlı VACİB XƏBƏR: 8 yaşına çatmamış uşaq olduqda...

Ekspert açıqladı: Qadın vəfat etmiş ərinin pensiyasını ala bilərmi?

Bəzi hallarda qadın vəfat etmiş ərinin pensiyasını almaq hüququna malik olur. Bu barədə ekspertlər bildirir ki, məsələ Əmək pensiyaları haqqında qanun ilə tənzimlənir.

Busaat.az xəbər verir ki,qanuna görə, qadının vəfat etmiş ərinin pensiyasını ala bilməsi üçün müəyyən şərtlər mövcuddur. Belə ki, qadın pensiya yaşına çatmış olmalıdır, və ya orqanizmin funksiyalarının 61–80% və ya 81–100% pozulmasına görə əlilliyi müəyyən olunmuş şəxs olmalıdır.

Bundan başqa, əgər qadın vəfat etmiş şəxsin 8 yaşına çatmamış uşaqlarına, bacılarına, qardaşlarına və ya nəvələrinə baxırsa və işləmirsə, bu halda da ailə başçısını itirməyə görə pensiya almaq hüququ yarana bilər.

Mütəxəssislər qeyd edir ki, belə hallarda pensiya hüququnun müəyyən edilməsi üçün vətəndaşlar müvafiq qurumlara müraciət etməli və tələb olunan sənədləri təqdim etməlidirlər.