Peskov: Kreml NATO-nun müdafiə xarakterli deyil, aqressiv olduğuna əmindir

Rusiya NATO-nun müdafiə xarakterli deyil, aqressiv olduğuna əmindir.

Busaat.az Ria Novosti-yə istinadən xəbər verir ki, bunu Kremlin rəsmi nümayəndəsi Dmitri Peskov deyib.

Prezidentin mətbuat katibi qeyd edib ki, Şimali Atlantika Alyansının hər hansı genişlənməsi təhlükəsizlik və sabitlik gətirmir.

Aprelin 7-də Brüsseldə keçirdiyi mətbuat konfransında NATO-nun baş katibi Yens Stoltenberq Ukraynada keçirilən xüsusi əməliyyat fonunda Alyansın Ukrayna, Gürcüstan və Bosniya və Herseqovinaya dəstəyini genişləndirəcəyini açıqlayıb.

O, həmçinin qeyd edib ki, NATO Asiya-Sakit okean regionunda tərəfdaş ölkələrlə (Yaponiya, Cənubi Koreya və Yeni Zelandiya) əlaqələri genişləndirəcək.

Sərvinaz Hacalıyeva

Busaat.az