Piyadanı vuran sürücü özü də ürəktutmadan həyatını itirdi

Tovuzda piyadanın vurulması ilə nəticələnən yol qəzası baş verib.

Busaat.az xəbər verir ki, hadisə rayonun Aşağı Quşçu kəndinin ərazisində qeydə alınıb.

Belə ki, kənd ərazisində hərəkətdə olan “VAZ 2107” markalı avtomobil yolu keçmək istəyən hələlik kimliyi məlum olmayan şəxsi vurub. Ağır xəsarət alan piyada yerindəcə dünyasını dəyişib.

Hadisədən bir müddət sonra sürücü, Şəmkir rayon Düyərli kənd sakini 32 yaşlı Röyal İmanovun qəfil halı pisləşib. Dərhal ona təcili tibbi yardım çağırılıb. Bütün zəruri tədbirlərə baxmayaraq, sürücü ürək tutmasından vəfat edib.

Faktla bağlı araşdırma aparılır.