Almaniya Kansleri Fridrix Merts Rusiya Prezidenti Vladimir Putinlə münasibətlərin normallaşmasının mümkünlüyünü tamamilə istisna edib.
Busaat.az xəbər verir ki, kansler bu barədə “Rheinpfalz” qəzetinə müsahibəsində danışıb.
“Rusiyanın hakim dairəsi yaxın gələcəkdə müharibəsiz keçinə bilməz. Ölkə hərbi fəaliyyətləri davam etdirməlidir, çünki cəbhədən qayıdan yüz minlərlə, o cümlədən ağır yaralanmış əsgərlə nə etməli olduqlarına dair planları yoxdur”, – Merts bildirib.
Onun fikrincə, Ukraynadakı müharibənin danışıqlar yolu ilə tez bir zamanda baş çatdırılması üçün demək olar ki, şans yoxdur: “Mənim qiymətləndirməmə görə, bu müharibə yalnız tərəflərdən biri ya hərbi, ya da iqtisadi baxımdan tükəndikdə başa çatacaq”.
