Qərb ölkələri Ukraynanı əks hücuma hazırlamaq üçün əllərindən gələn hər şeyi ediblər.
Busaat.az xəbər verir ki, bu sözləri ABŞ prezidenti Co Bayden Böyük Britaniyanın baş naziri Rishi Sunak ilə keçirdiyi mətbuat konfransında bildirib.
“İlk növbədə, ukraynalılar hərbi əməliyyatlarla danışmalıdırlar. Biz ABŞ olaraq əlimizdən gələn hər şeyi etdik. Ukraynaya dəstək davam edəcək”, – Bayden deyib.
Bayden qeyd edib ki, ABŞ və müttəfiqləri Kiyevə uzunmüddətli təhlükəsizliyin təmin edilməsində yardım etmək niyyətindədirlər.
“Bizim məqsədimiz Ukraynanın döyüş meydanında ehtiyac duyduğu dəstəyi vermək və ordularını gücləndirməkdə kömək etməkdir”, – prezident əlavə edib.
Busaat.az
