BMT baş katibinin humanitar məsələlər üzrə müavini Tom Fletçer jurnalistlərə bildirib ki, hazırda Qəzza zolağına gələn humanitar yardımın həcmi ehtiyacın 20%-dən azdır.
Busaat.az xəbər verir ki, Fletçer qeyd edib ki, Qəzza zolağında atəşkəs əldə edildikdən sonra qlobal təşkilat yardım çatdırılmasını gündə yüzlərlə yük maşınına artırmaq niyyətindədir.
“Biz yəqin ki, ehtiyacımız olanın 20%-dən azını çatdırırıq. Bizim Fələstin anklavına] yüzlərlə yük maşınının gəlməsi lazımdır”,- deyə Fletçer bildirib.
Bundan əvvəl ABŞ prezidenti Donald Tramp İsrail və Fələstinin radikal HƏMAS hərəkatının nümayəndələrinin Misirdəki danışıqlardan sonra sülh planının birinci mərhələsinə dair razılaşmalar imzaladığını açıqlamışdı. Onun sözlərinə görə, bu mərhələ bütün girovların yaxın gələcəkdə azad edilməsini və İsrail qoşunlarının Qəzza zolağı daxilində razılaşdırılmış xəttə çıxarılmasını nəzərdə tutur. Trampın sözlərinə görə, davamlı təhlükəsiz və əbədi sülhə doğru ilk addımlar atılıb
Yeganə
