Rusiya ABŞ-la təmaslara hazırdır-  Peskov

Rusiya ABŞ-la iki ölkənin liderləri Vladimir Putin və Donald Tramp səviyyəsində təmaslara hazırdır, lakin Vaşinqtondan heç bir müvafiq sorğu daxil olmayıb. Busaat.az xəbər verir ki, bu barədə Rusiya prezidentinin mətbuat katibi Dmitri Peskov brifinqdə bildirib.

“Hələlik biz amerikalılardan heç bir siqnal almamışıq. Ona görə də, necə deyərlər, qrafikimizə uyğun işləyirik, hazırlıq saxlanılır. Eyni istək… Amerika tərəfində də saxlanılır, görünür, buna bir qədər vaxt lazımdır”, – deyə Peskov bildirib.

Öz növbəsində Tramp son həftələrdə dəfələrlə bəyan edib ki, o, Putinlə görüşməyə və Ukraynada davam edən müharibəyə son qoymağa hazırdır.