"Rusiya Aİ-dən çox zəifdir" - Orban

“Gəlin sağlam düşüncəni itirməyək, Rusiyanın əhalisi 131-140 milyon, Avropa İttifaqında (Aİ) isə 400 milyondan çoxdur”.

Busaat.az xəbər verir ki, bu barədə Macarıstanın Baş naziri Viktor Orban bildirib.

“İqtisadi göstəricilər müqayisəolunmazdır, Aİ-nin ÜDM-i Rusiya ilə müqayisədə çox böyükdür. Rusiyanın hərbi xərcləri Qərbi Avropada 27 ölkədə birlikdə xərclədiyimizin bir hissəsini təşkil edir. Deməli, biz hər cəhətdən daha güclüyük. Mən heç vaxt başa düşməmişəm ki, biz daha güclüyüksə, insanlar niyə zəif olduğumuzu deyir? Rusiya bizə zərər verə bilməz. Rusiya bizimlə müqayisədə zəifdir: hərbi cəhətdən zəif, iqtisadi cəhətdən zəif və sayca zəifdir. Biz güclüyük. Biz güclü bir cəmiyyət kimi hərəkət etməliyik”, – deyə o, qeyd edib.

Yeganə