“Avropa ölkələri və ABŞ Ukrayna səmasında Rusiya pilotsuz uçuş aparatlarını (PUA) məhv etmək öhdəliyini götürməlidir”.
Busaat.az “Ukrinform”a istinadən xəbər verir ki, bu barədə Ukraynanın BMT-dəki daimi nümayəndəsi Andrey Melnik BMT Təhlükəsizlik Şurasının iclasında çıxışı zamanı bildirib.
Rumıniya ərazisinə Rusiya PUA-larının düşməsini şərh edərkən o, Ukraynaya hava hücumundan müdafiə sistemlərinin tədarükünü əhəmiyyətli dərəcədə artırmağa və tərəfdaşların iştirakı ilə güclü inteqrasiya olunmuş qalxan yaratmağa çağırıb.
“Lakin hazırda ən çox ehtiyac duyduğumuz şey Avropa və ABŞ-dəki tərəfdaşlarımızın Ukrayna səmasında Rusiya raketlərini və PUA-larını fəal şəkildə ələ keçirmək və məhv etmək öhdəliyidir”, – Melnik deyib.
