NATO-nun baş katibi Mark Rutte bildirib ki, Rusiya təyyarəsinin NATO səmasında vurulması zəiflik əlaməti olardı.
Busaat.az xəbər verir ki, bu barədə “Reuters” məlumat yayıb.
“Nə qədər ki, ruslar heç bir təhlükə yaratmır, biz onları yumşaq şəkildə hava məkanımızdan çıxaracağıq. Bu, mütənasib cavabdır – biz Rusiyadan qat-qat güclüyük”, – deyə Rutte qeyd edib.
Ruttenin sözlərinə görə, alyans zəif olsaydı, təyyarələr dərhal vurula bilərdi, lakin daha güclü olduğuna görə NATO-nun cavabı mütənasibdir.
Avropa Parlamenti bundan əvvəl Aİ ölkələrini Aİ hava məkanında Rusiya təyyarələrini vurmağa çağıran qətnamə qəbul edib. Qətnamədə aydınlıq gətirilir ki, o, Aİ-yə koordinasiyalı tədbirlər görməyə imkan verəcək istənilən təşəbbüsləri təşviq edir.
Yeganə
