"Rusiya və İranın maraqları Ermənistan-Azərbaycan sülh razılaşmasını arxa plana atır" - ŞƏRH

“Rusiya və İranın Cənubi Qafqaz maraqları Azərbaycanla Ermənistan arasında sülh yolunda müsbət addım ehtimalını arxa plana atır”.

Bunu Ermənistan-Azərbaycan münasibətlərinin pozulmasında xarici qüvvələrin təsirindən danışan politoloq Samir Hümbətov Busaat.az-a açqlamasında deyib.

O bildirib ki, artıq Azərbaycan tərəfi 5 baza prinsipini təqdim edib. Bu baza prinsipi əsasında sərhədlərin delimitasiya və demarkasiya məsələləri həll olunmalı, sərhədlər tanınmalıdır:

“Paşinyan son açıqlamasında Qarabağın Koçaryan və Sarkisyan hakimiyyəti dövründə belə Azərbaycanın tərkib hissəsi kimi tanındığı mənaya gələn bəyanat səsləndirdi. Madrid psinsiplərinə əsaslanırlar. Madrid prinsipinin əsas göstəricisi Qarabağın Azərbaycanın tərkib hissəsində olması və ondan sonra əgər Azərbaycan narazılıq verərsə, özünün müqəddərat prinsipinə əməl edirlməsi məsələsidir”.

“Hazırda xarici qüvvələr kifayət qədər Ermənistan və Azərbaycan arasında gərginliyin artırılması üçün işlər görür. Həm sərhəddəki toqquşma, həm əsgərimizin əsir götürülməsi, həm bayrağımızın yandırılması, həm də idmançılarımıza qarşı təyziq edilməsi gərginliyin artırılması üçün atılan addımlardır. Rusiya və İranın Cənubi Qafqaz maraqları Ermənistan-Azərbaycan arasında sülh yolunda müsbət addım ehtimalını arxa plana atır”, – politoloq qeyd edib.

Ələsgər