Rusiya yeni hücuma hazırlaşır- Zelenski

Prezident Vladimir Zelenski qeyd edir ki, Rusiya Ukraynanın milli müqavimətini qırmağa ümid edərək yeni hücuma hazırlaşır.

Busaat.az bu barədə UNİAN-a istinadən xəbər verir.

Zelenski vurğulayıb ki, Ukrayna hələ də ölənlərin sayını dəqiqləşdirə bilmir.

“Ölkənin şimalından cənubuna qədər, Rusiya mərmilərinin çatdığı, bombaların çatdığı, dağıntılar hələ də təmizlənir. Ərazimizin bir hissəsində aktiv döyüşlər hələ də davam edir. Rusiya daha bir yeni hücuma hazırlaşır, hələ də ümid edir. Milli müqavimətimizi qırmağa çalışır.İşğalçılar yeni zərbələr endirməyə cəhd etmək üçün on minlərlə əsgər və çoxlu sayda texnika cəmləyiblər”- deyə dövlət başçısı bildirib.

“Rusiya Ukraynadan başlayıb. Onların planının növbəti addımları başqa dövlətlərin məhv edilməsi, daha da qonşu xalqları fəth etmək cəhdidir”- deyə Zelenski qeyd edib.

Prezident xatırladıb ki, Rusiya artıq Ukrayna ərazisində raket və hava zərbələri ilə yüzlərlə infrastruktur obyektini məhv edib.

“Bu günə qədər təkcə 938 təhsil müəssisəsi artıq dağıdılıb. Demək olar ki, 300 xəstəxana dağıdılıb”, – deyən Zelenski bunun “Rusiya qoşunlarının şüurlu taktikası” olduğunu bildirib.