Rusiyada  populyar VPN xidmətləri bloklandı

Artıq Rusiyada 20-yə yaxın məşhur VPN xidməti bloklanıb.

Busaat.az Lenta.ru-ya istinadən xəbər verir ki, bunu Dövlət Dumasının İnformasiya Siyasəti Komitəsinin sədri Aleksandr Xinşteyn bildirib. O, bu işin davam etdiriləcəyi ilə bağlı xəbərdarlıq da edib.

“Bu gün Rusiyada təxminən iyirmi məşhur VPN artıq bloklanıb. Onlar daha da bloklanacaqlar”deyə millət vəkili bildirib.

Xinşteyn əlavə edib ki, VPN-nin bloklanması asan məsələ deyil. Deputat həmçinin qeyd edib ki, İnstaqramdan istifadə etməyə davam edən bütün rusiyalılar “bu və ya digər şəkildə şəbəkə marşrutunun yan keçid sistemindən istifadə edirlər”.

Bundan əvvəl Xinşteyn bildirmişdi ki, “Meta”nın ekstremist şirkət kimi tanınmasından sonra rusiyalı istifadəçilər “Instagram” sosial şəbəkəsindəki yazılara görə məsuliyyət daşımayacaqlar. Ölkə sakinləri yalnız qanunun tələblərini pozduqları halda nəşrlərə görə cəzalandırılacaqlar.

Busaat.az

Sərvinaz Hacalıyeva