Rusiyanın Kostroma şəhərində gecə klubunda baş verən yanğında 13 nəfərin öldüyü bildirilib.
Busaat.az xəbər verir ki, bu barədə məlumatı Rusiya KİV-i paylaşıb.
Məlumatlara görə, gecə yarısı Kostroma şəhərində klubda yanğın baş verib.
Təxminən 3500 kvadratmetr sahədə təsirli olan yanğın nəticəsində 13 nəfər həyatını itirib.
Yanğına səbəb kimi klubda atəşfəşanlığın təşkil edilməsi göstərilib.
Yanğın zamanı binada olan 250 nəfər təxliyə edilib.
Prokurorluğun araşdırma başlatdığı hadisə ilə bağlı 1 nəfər saxlanılıb.
