Sabiq əmək və əhalinin sosial müdafiəsi naziri Səlim Müslümovun həbs müddəti uzadılıb.
Bu barədə Səbail Rayon Məhkəməsindən məlumat verilib. Bildirilib ki, təxminən 2 həftə öncə məhkəmə tərəfindən sabiq nazir barəsində seçilmiş həbs-qətimkan tədbirinin uzadılması ilə bağlı istintaq orqanının təqdimatına baxılıb.
Məhkəmə təqdimatı təmin edib və S.Müslümov barəsində seçilmiş həbs-qətimkan tədbiri daha 3 ay uzadılıb.
Qeyd edək ki, Səlim Müslümov bu ilin fevralında DTX tərəfindən saxlanılıb. Ona Cinayət Məcəlləsinin 308.2-ci (ağır nəticələrə səbəb olan vəzifə səlahiyyətlərindən sui-istifadə), 311.3.2-ci və 311.3.3-cü maddələri (təkrar külli miqdarda rüşvət alma) ilə ittiham elan olunub.