Siyasi ekspert: "Ermənistanın Azərbaycanın ərazi bütövlüyünü tanıması Rusiyanın siyasi maraqlarına uyğun deyilmiş"

“Rusiyanın rəsmi dairələri dəfələrlə regionla bağlı şərhlərində hər hansı bir problemləri və yaxud da anlaşılmazlığı Ermənistanın Azərbaycanın ərazi bütövlüyünü tanımağı məsələsi ilə ekvivalent etməyə çalışırlar. Bu bir daha onu göstərir ki, Rusiya Cənubi Qafqazda Azərbaycanın ərazi bütövlüyü məsələsini siyasi baxımdan manipulyasiya etməyə çalışırdı”.

Bu fikri Busaat.az-a siyasi ekspert Tural İsmayılov özəl açıqlamasında bildirib.

T,ismayılovun fikrincə, Nikol Paşinyandan əvvəlki Ermənistan hakimiyətinin danışıqlar prossesində Azərbaycanın ərazi bütövlüyü məsələsi ilə bağlı fərqli və bizim tərəfimizdən qəbuledilməz mövqelər ortaya qoymağı Rusiya tərəfindən dəstəklənmiş bir hadisə kimi görünür.

“Putinin son açıqlaması əvvəlki açıqlamaların təkrarıdır. Bundan əvvəl Putin bir neçə dəfə Valdaydakı forumda və başqa yerlərdə bu məsələni hər zaman bu şəkildə ortaya qoyub. Azərbaycanın ərazi bütövlüyü məsələsini və Ermənistanın Azərbaycanın ərazi bütövlüyünü tanımasını problem kimi qabardıb ki, bunu Rusiya Xarici İşlər Nazirliyinin brifinqlərində də görürürük. Bu, bir daha göstərir ki, bu gün Ermənistanın hansısa bir formada Azərbaycanın ərazi bütövlüyünü tanıması, hətta sözlə ifadə etməsi belə, əslində Rusiyanın siyasi maraqlarına uyğun deyilmiş”,- siyasi ekspert qeyd edib.