Sumqayıtdakı silahlı basqının daha bir neçə təfərrüatı məlum olub.
Busaat.az xəbər verir ki, hücumda 1985-ci il təvəllüdlü Karakaş Suzanna və 1950-ci il təvəllüdlü Fərəcov Dağbəyi ölüb.
İlkin məlumata görə yaralılar Fərəcov Tərlan və Karakaş Serkan reanimasiyadadır. Serkanın vəziyyəti ağırdır.
***
06.57
Sumqayıtda silahlı hücum zamanı zərərçəkənlərlə bağlı ilkin təfərrüat məlum olub.
Busaat.az xəbər verir ki, hücumda Fərəcov Dağbəyi və onun qızı Karakaş Suzana öldürülüb.
Bundan başqa, Fərəcov Tərlan və Türkiyə vətəndaşı Karakaş Serkan yaralanıb.
Ailənin qızları Yağmur və Cansu hücum zamanı zərər çəkməyiblər.
***
06.44
Sumqayıtda evə silahlı basqın olub, ölən və yaralananlar var.
Busaat.az xəbər verir ki, hadisə 16 mikrorayonda yerləşən Corat bağları yaşayış massivində, fərdi yaşayış evində baş verib.
Hücum zamanı ailənin 2 üzvü öldürülüb, yaralılar var. Hazırda yaralıların sayı dəqiqləşdirilir.
Hadisə yerinə hüquq-mühafizə orqanlarının əməkdaşları və təcili yardım briqadası cəlb olunub.
Hazırda zəruri istintaq tədbirləri davam etdirilir.APA
