Gürcüstanın paytaxtı Tbilisdə Azərbaycan Respublikasının Gənclər və İdman Nazirliyinin dəstəyi ilə “Qızılbaş” Gəncləri Maarifləndirmə İctimai Birliyi və M.F.Axundzadə adına Azərbaycan Mədəniyyəti Muzeyinin birgə təşkilatçılığı ilə “Gürcüstan-Azərbaycan Gənclərinin “Networking” Forumu keçiriləcək.
Forumda Gürcüstan və Azərbaycandan olan QHT rəhbərləri, media nümayəndələri, soydaşlarımız iştirak edəcək.
Forumda iki ölkə gənclərinin ortaq iş birliyi müzakirə ediləcək, Azərbaycan-Gürcüstan dostluğuna dair qısa film nümayiş etdiriləcək.
Xatırladaq ki, forum Gənclər və İdman Nazirliyi tərəfindən gənclər təşkilatlarının fəaliyyətlərinin dəstəklənməsi məqsədi ilə 2024-cü il üzrə elan edilmiş qrant müsabiqəsi çərçivəsində keçiriləcək.
