Tehran orucoğlu: "Qazaxıstanlı həmkarımla danışdım, vəziyyət yaxşılaşır"

“Əziz qardaşım, həmkarım Amangeldi Qurmetuly ilə az əvvəl danışdıq. Qazaxıstanda baş verən prosesləri üzüntüylə izləyəyirik, sadəcə. Təbii ki, əziz qardaşım da bildirdi ki, KTMT ordusunun ölkəyə daxil olması üzücüdür. Xüsusən bu qrupda 70 erməni əsgəridə var. Lakin proseslər səngiyir. Paytaxtda protestocular milli marş səsləndirib. Deyəsən prosesin sonudur. Amma ki, “sülhməramlı”ların ərazidə nə qədər müddət qalacağı, prezidentin hansı təkliflərlə çıxış edəcəyi bilinmir”.

Bu fikirləri siyasi şərhçi Tehran Orucoğlu facebook hesabında paylaşaraq bildirib. O qeyd edib ki, Pərdəarxası məqamların çoxşaxəli olması dəqiq analitikada da çətinliklər yaradır.

“Qaz qiyməti məsələnin ana xətti deyil. İxtişaşlar – bu, VƏTƏN MÜHARİBƏSİ adını almasa yaxşıdır. Türk ölkələri, Türk birliyi hərəkətə keçməkdə bir az gecikdi. Sonuc – KTMT. Qardaş Qazaxıstan xalqı üçün dua edirik. Uca Tanrı Qazaxıstanımızı qorusun”, – deyə Tehran Orucoğlu əlavə edib.