Millət vəkili Tənzilə Rüstəmxanlı Neftçala rayonu Xıllı qəsəbəsindəki şəhid Rafiq Gözəlov adına 1 nömrəli tam orta məktəbdə vətəndaşlarla görüş keçirib. Tədbirdə Xıllı sakinlərindən başqa Kürqarabucaq və Boyat kəndlərindən də vətəndaşlar qatılıb.
Görüşdə aşağıdakı məsələlər ciddi müzakirə mövzusu olub:
• Xıllı məktəbinə marşrut avtobusu ayrılması,
• Kür çayı üzərindəki üst körpüyə və kənd kitabxanasına işıq çəkilməsi,
• Qəsəbə yollarının təmiri və işsizlik probleminin həlli.
Görüş zamanı eynu zamanda fənn kitablarında ciddi məzmun qüsurları, Azərbaycan tarixi, qəhrəmanları, şair və yazıçılarımız yerinə daha çox xarici müəlliflərin nümunələrinin daxil edilməsi ilə bağlı müəllimlərin şikayətləri də dinlənilib.
Onlar deputatdan Milli Məclis plenar iclasında bu məsələyə toxunmasını xahiş ediblər.
Görüşdə Neftçala Rayon İcra Hakimiyyətinin ictimai‑siyasi və humanitar məsələlər şöbəsinin müdiri Vasif Əliyev də iştirak edib.
