ABŞ-nin lektrikli avtomobil və akkumulyator istehsalçısı Tesla Çinin Şanxay şəhərində enerji saxlama qurğularının istehsalı üçün irihəcmli obyekt quracaq.
Busaat.az-ın Sinxua agentliyinə istinadən xəbərinə görə, təməli bu ilin üçüncü rübündə qoyulacaq layihə üçün dünən Şanxayda imzalanma mərasimi keçirilib.
Şirkət 2024-cü ilin ikinci rübündə fəaliyyətə başlaması planlaşdırılan fabrikdə təxminən 4 meqavat-saat elektrik enerjisi saxlaya bilən “Megapack” adlı litium-ion batareya blokları istehsal edəcək.
Fabrikdə ildə 10 min ədəd olmaqla cəmi 40 gigavat-saat enerji saxlama gücü istehsal edilməsi hədəflənir.
Teslanın hələ də ABŞ-nin Kaliforniya ştatının Latrop şəhərində ildə 10 000 Meqapaket istehsal etmək gücünə malik “meqa fabriki” var.
Şirkət, həmçinin Şanxayda ildə 1 milyon elektrik avtomobili istehsal edə bilən “giqa fabriki”ni 450 min əlavə tutumla genişləndirməyi planlaşdırır.
Busaat.az
