“Kiyevə “Tomaqavk” qanadlı raketlərinin tədarükü NATO müdafiə nazirləri və Ukrayna üzrə Təmas Qrupunun Brüssel görüşündə müzakirə olunmayacaq. Bu məsələ yalnız ABŞ səviyyəsində həll olunur”.
Busaat.az xəbər verir ki, bu sözləri NATO-nun baş katibi Mark Rutte NATO müdafiə nazirlərinin planlaşdırılan görüşünə gələrkən deyib.
“Bu, ikitərəfli məsələ olduğu üçün bu gün müzakirə olunacaq məsələ deyil. Onları Ukraynaya tədarük edib-etməyəcəyinə bir ölkə qərar verməlidir. Bu, bu gün masada deyil”, -deyə Rutte ukraynalı jurnalistlərin “Tomaqavk” ilə bağlı sualına cavab verib.
Yeganə
