Tramp Putinə müraciət edib: “Ukraynadakı münaqişəni dərhal dayandırın”
“Truth” sosial şəbəkəsində dərc olunan mesajda ABŞ prezidenti bildirib ki, müharibənin davam etdirilməsi vəziyyətin pisləşməsinə, o cümlədən yeni sanksiyalar və tariflərin tətbiqi ehtimalına gətirib çıxaracaq.
Tramp Rusiyaya zərər vermək istəmədiyini qeyd edərək, rus xalqına hörmətini ifadə edərək, prezident Putinlə həmişə yaxşı münasibətlər saxladığını vurğulayıb.
“Get-gedə daha da pis olacaq” deyə xəbərdarlıq edən Tramp, tezliklə sülh razılaşması əldə olunmasa, Rusiyadan və müharibəni dəstəkləyən digər ölkələrdən ixrac edilən mallara ağır vergilər, tariflər və sanksiyalar tətbiq etməli olacağını əlavə edib. “Biz asan və ya çətin yolu tuta bilərik, amma asan yol həmişə daha yaxşı olur” dedi.
