İtaliyanın baş naziri Corciya Meloni ilə ABŞ prezidenti Donald Tramp arasında keçiriləcək danışıqlarda italyan makaronuna olan tariflər əsas mövzu ola bilər.
Busaat.az xəbər verir ki, ABŞ səlahiyyətliləri iki italyan istehsalçısını dempinqdə ittiham edərək, 92% əlavə idxal tarifləri tətbiq etməklə hədələyir.
Mövcud 15%-lik tariflə birlikdə bu, makaron məmulatlarının idxalı üzrə ümumi rüsumu rekord 107%-ə çatdıracaq. İtaliya mediası artıq vəziyyəti “Trampın makaronla müharibəsi” adlandırıb.
Qeyd edək ki, İtaliyanın ABŞ-a ərzaq ixracı artıq avqust ayında ilk tariflərin tətbiqindən sonra kəskin 21% azalıb. Əlavə tariflər ənənəvi istehsalçıları ABŞ bazarından demək olar ki, tamamilə sıxışdırıb çıxara və ya istehsalı ABŞ-a köçürməyə məcbur edə bilər.
Meloni və Trampın oktyabrın 18-də Vaşinqtonda görüşü planlaşdırılır.
Yeganə
