Türkiyə Qəzza zolağında İsrail və radikal Fələstinin HƏMAS hərəkatı arasında əldə olunan atəşkəs razılaşmasının həyata keçirilməsi üçün səylər göstərir.
Busaat.az xəbər verir ki, bunu Türkiyə Prezidenti Rəcəb Tayyib Ərdoğan deyib.
“HƏMAS ilə İsrail arasındakı razılaşmaların uzunmüddətli olmasını və davamlı sülhün zəminini yaratmasını təmin etmək üçün hər cür səy göstəririk. İsrailin pis reputasiyasını nəzərə alaraq, biz ayıq və ehtiyatlı davranırıq. Qəzzanın yaralarını tez sağaltması və ayağa qalxması lazımdır”, – Ərdoğan bildirib.
Sentyabrın 29-da Ağ Ev ABŞ prezidenti Donald Trampın Qəzza münaqişəsinin həlli ilə bağlı hərtərəfli planını açıqlayıb. 20 bənddən ibarət sənəd digər məsələlərlə yanaşı, anklavda müvəqqəti xarici idarəçiliyin yaradılmasını və beynəlxalq sabitləşdirici qüvvələrin yerləşdirilməsini tələb edir.
Oktyabrın 9-da Tramp İsrail və radikal Fələstinin HƏMAS hərəkatının nümayəndələrinin Misirdəki məsləhətləşmələrdən sonra sülh planının birinci mərhələsi üzrə razılıq əldə etdiklərini açıqlayıb.
Yeganə
