Azərbaycan vətəndaşlarına daha ucuz resurslar təmin etmək lazımdır.
Bu sözləri uçot dərəcələrinin artırılmasının kredit faizlərinə mümkün təsirlərini şərh edən iqtisadçı Nazim Bəydəmirli Busaat.az– a açıqlamasında deyib.
İqtisadçı bildirib ki, bunun üçün uçot faizi aşağı salınmalıdır. Mərkəzi Bank görünür ki, infilyasiyaya addım atmaq istəyir. Ölkədə kredit faizləri yüksəkdir.
“Açığı, mən Mərkəzi Bankın apardığı siyasəti çox da bəyənmirəm. Çünki kredit faizləri sahibkarlar üçün 15 faiz vətəndaşlar üçün isə istehlak kreditlərinin 30 faiz olması rəqabətli mühit yarada bilmir.
Kredit faizlərinin vəziyyəti iqtisadi fəallığın aşağı düşməsi səbəbi ilə pandemiya dönəmimdə onsuz da arzuolunan deyildi. Banklar riski göz özünə gətirərək daha az kredit verirdilər. Bu isə onu göstərirdi ki, Azərbaycanda kredit bazarları ucuz vəsaitlərə daha çox ehtiyac duyur. Mərkəzi Bankın uçot faizinin artması təbii ki, kreditləri bahalaşdıracaq. Görünən odur ki, bizi elə də yaxşı günlər gözləmir.”
Nərmin Kərim