“Ukrayna ilə bağlı neytral status variantını yüksək qiymətləndiririk“ - Peskov

Ukraynada İsveç və ya Avstriya timsalında öz ordusu ilə silahsızlaşdırılmış ölkə yaratmaq variantı kompromis kimi qiymətləndirilə bilər.

Busaat.az Ria Novosti-yə istinadən xəbər verir ki, bunu Kremlin sözçüsü Dmitri Peskov deyib.

“Bu, hazırda həqiqətən müzakirə olunan və real kompromis hesab oluna bilən variantdır”- deyə Peskov bildirib.

Bundan əvvəl Kiyevlə danışıqlarda Rusiya nümayəndə heyətinin rəhbəri Vladimir Medinski bildirmişdi ki, Ukrayna tərəfi İsveç və ya Avstriya xətti ilə silahsızlaşdırılmış ölkə statusunu təklif edir. Bu, Ukraynanın hərbi ittifaqlara qoşulmaqdan imtina etməsini nəzərdə tutur, eyni zamanda ölkənin sərəncamında tam hüquqlu ordu və donanma olacaq.

Medinski Ukrayna ilə danışıqların gedişatını qiymətləndirərək qeyd edib ki, onlar gərgin və yavaş gedir, lakin Moskva mümkün qədər tez sülhə nail olmağa çalışır.

Busaa.az 

Sərvinaz Hacalıyeva