Oktyabrın 3-də Xarkov və Poltava vilayətlərində enerji infrastrukturuna edilən tətillərdən sonra Ukrayna qaz hasilat imkanlarının 60%-dən çoxunu itirib və qışdan sağ çıxmaq üçün yanacağın idxalına təxminən 1,9 milyard avro xərcləmək məcburiyyətində qalacaq.
Busaat.az xəbər verir ki, bu barədə “Bloomberg” agentliyi məlumat yayıb.
Agentliyin məlumatına görə, enerji infrastrukturuna hücumlar davam edərsə, Kiyev 2026-cı ilin mart ayının sonuna qədər təxminən 4,4 milyard kubmetr qaz almalıdır. Bu həcm ölkənin illik enerji istehlakının 20%-nə bərabərdir.
“Bloomberg”in qeyd etdiyi kimi, Ukrayna bu il artıq xarici təchizatçılardan təxminən 4,6 milyard kubmetr qaz alıb. Kiyev hesab edir ki, bu ilin sonuna qədər ölkənin 5,8 milyard kubmetr qaza ehtiyacı olacaq, lakin bu rəqəm bir sıra amillərdən asılı olaraq arta bilər. Konkret olaraq, Ukrayna öz enerji infrastrukturunu nə qədər tez bərpa edə bilər.
Yeganə
