Rusiyanı müharibəni dayandırmağa məcbur etmək lazımdır - Zelenski

Ukrayna prezidenti Vladimir Zelenski vurğulayır ki, Rusiyanın təkbaşına dayanacağına ümid yoxdur – onu yalnız buna məcbur etmək olar.

Busaat.az bu barədə UNİAN-a istinadən xəbər verir.

“Rusiyanın sadəcə olaraq öz-özünə dayanacağına ümid yoxdur və ola da bilməz. Rusiyanı yalnız buna məcbur etmək olar. İnsanı ancaq sülh axtarmağa məcbur etmək olar. İnsanları ələ salmağı dayandırın, onları qonşu xalqların müstəqil həyatına hörmətlə yanaşmağa məcbur edin, onları Ukrayna ərazisini tərk etməyə məcbur edin” – deyə Zelenski vurğulayıb.

Prezidentin sözlərinə görə, Rusiyaya qarşı indiyədək tətbiq edilən görünməmiş sanksiyalara baxmayaraq, o, “hələ ki, müharibəni dayandırmalı olduğunu hiss etmir”.

“Bu, o deməkdir ki, daha çox iş görülməlidir. Həm də təkcə dövlət səviyyəsində deyil. Rusiya banklarının qlobal maliyyə sistemi ilə əlaqələrini tamamilə pozmaq lazımdır. Rusiyanın enerji resurslarının, ilk növbədə neftin ixracını məhdudlaşdırmaq lazımdır. Lakin qlobal şirkətlər xalqların həyatını məhv etmək hüququna malik olduğuna inanan, bütün dünyada yoxsulluq, qanunsuzluq və ölüm səpmək hüququna malik olduğuna inanan vəhşi gücün sponsoru olmaqdan əl çəkməlidir” – deyə Zelenski vurğulayıb.

Ukrayna prezidenti onu da qeyd edib ki, “artıq o yerə çatıb ki, Rusiya açıq şəkildə dünyanı nüvə və kimyəvi silahlarla şantaj edir”.

Sərvinaz Hacalıyeva

Busaat.az