Paytaxt sakini Beydulla Dadaşovun bir neçə nəfərə qarşı dələduzluq etdiyi və pul vəsaiti aldığı barədə iddialar irəli sürülüb.
Bu barədə AzPost-a müraciət edən və özünü zərərçəkmiş kimi təqdim edən vətəndaş məlumat verib. Onun sözlərinə görə, hadisə 2023-cü ildə baş verib. Şikayətçi iddia edir ki, Beydulla Dadaşov sosial müavinət düzəldəcəyini vəd edərək ondan 3 000 manat pul alıb.
Müraciət edən şəxs bildirir ki, Nizami rayonu ərazisində görüş zamanı pulu qarşı tərəfə təqdim edib. Onun sözlərinə görə, sonradan sosial müavinət almaq üçün etdiyi rəsmi müraciət müvafiq qurum tərəfindən təmin olunmayıb.
Şikayətçi iddia edir ki, həmin şəxs başqa vətəndaşlardan da müxtəlif məbləğlərdə pul aldığını etiraf edib və ümumi məbləğin təxminən 20 min manata yaxın olduğunu bildirib. Müraciət edən tərəfin sözlərinə görə, vəsait bu günə qədər geri qaytarılmayıb.
O qeyd edir ki, məsələ ilə bağlı aidiyyatı qrumlara müraciət edib, araşdırma aparılır.
Qarşı tərəfin mövqeyini dərc etməyə hazırıq.
