Rusiya xarici işlər nazirinin müavini Sergey Ryabkov bildirib ki, Strateji Silahların Azaldılması Müqaviləsi (START) müddətinin uzadılmasından söhbət getmir.
Busaat.az xəbər verir ki, onun sözlərinə görə, ideya 6 fevral 2026-cı il tarixində başa çatdıqdan sonra müqavilədə müəyyən edilmiş məhdudiyyətlərə ABŞ-ın bir il ərzində eyni razılaşmalara əməl etməsi şərti ilə riayət etməkdir.
“Vurğulayıram ki, bu, müqavilənin müddətinin uzadılması təklifi deyil”, – deyə Ryabkov jurnalistlərə bildirib.
Xatırladaq ki, sentyabrın 22-də Rusiya prezidenti Vladimir Putin Təhlükəsizlik Şurası ilə görüşündə bildirmişdi, Rusiya 2026-cı ilin fevralında Yeni START-ın müddəti başa çatdıqdan sonra bir il müddətində müqavilənin məhdudiyyətlərinə əməl etməyə hazırdır. Bununla belə, o, bu tədbirin yalnız Vaşinqtonun buna əməl edəcəyi təqdirdə məqsədəuyğun olduğunu vurğulamışdı.
Yeganə
