Yunanıstan Silahlı Qüvvələri beynəlxalq müqavilələrə uyğun olaraq qeyri-hərbi statusa malik olmalı olan Rodos adasında silahlı təlim keçirib.
Busaat.az xəbər verir ki, bu barədə məlumatı Yunanıstan Dövlət Televiziyası ERT yayıb.
ERT-nin xəbərinə görə, “Kolossos” adlı təlimdə adadakı bütün sistemlər “həyəcan” vəziyyətinə gətirilib və hər hansı təhlükə anında atılmalı olan addımlar müəyyən edilib.
Təlimdə zirehli texnika, motoatıcı birləşmələr, xüsusi əməliyyat bölmələri və Hərbi Hava Qüvvələrinin bölmələri də iştirak edib.
Qeyd edək ki, Rodos da daxil olmaqla Dodekanes adaları beynəlxalq müqavilələrə uyğun olaraq qeyri-hərbi statusda qalmalıdır.
Busaat.az
