Busaat.az xəbər verir ki, Ukrayna və Böyük Britaniya arasında 100 illik tərəfdaşlığa dair yeni sazişin gizli hissəsi olduğunu
prezident Vladimir Zelenski açıqlayıb.
“Sazişin qapalı, gizli hissəsi də var. Bizə həqiqətən sabitlik və inkişaf imkanları verən hər şey”, – prezident axşam videomüraciətində deyib.
Zelenski həmçinin bildirib ki, bu il Ukrayna Böyük Britaniyadan 6,6 milyard dollar hərbi yardım alacaq.
Yanvarın 16-da Ukrayna prezidenti Vladimir Zelenski və Böyük Britaniyanın baş naziri Key Starmer hərbi əməkdaşlıq, o cümlədən enerji və digər sahələrdə əməkdaşlığa dair “100 illik tərəfdaşlıq” haqqında saziş imzalayıblar.
