1000-ə yaxın rus Qəzzada mühasirədə qalıb - Vasili Nebenzya

1000-ə yaxın rusiyalı və onların ailə üzvləri Qəzza zolağında mühasirədə girov qalıb.

Busaat.az xəbər verir ki, bunu Rusiyanın BMT-dəki nümayəndəsi Vasili Nebenzya deyib.

“Bölgənin 2 milyondan çox sakini su, qida, tibbi yardım, yanacaq və işıqsız qalıb. Misirlə sərhəddə yerləşən Rəfah nəzarət-buraxılış məntəqəsi yenidən raket hücumuna məruz qalıb. 1000-ə yaxın Rusiya vətəndaşı və onların ailə üzvləri faktiki olaraq Qəzzada girova çevrilib”, – Nebenzya deyib.

Diplomatın sözlərinə görə, Qəzza zolağının cənubunda vəziyyət “fəlakətə yaxındır”.

Xatırladaq ki, oktyabrın 7-də HƏMAS  Qəzza zolağından İsrailə daxil olmasından sonra Yaxın Şərqdə vəziyyət kəskin şəkildə gərginləşib.

Natiq Kərimli,
Busaat.az