Norveç polisi meyvə qutularında gizlədilən 800 kiloqram kokaini müsadirə edib.
Busaat.az Norveç Xəbər Agentliyinə istinadən xəbər verir ki, polis martın 28-də Almaniya polisinin Potsdamda 1200 kiloqram narkotik maddə ələ keçirməsindən sonra əməliyyat keçirib .
Əməliyyat çərçivəsində paytaxt Osloda meyvə qutularında gizlədilən 800 kiloqram kokain ələ keçirilib.
Polis sözçüsü Grete Lien Metlidin sözlərinə görə, bu, ölkədə indiyədək keçirilmiş ən böyük kokain əməliyyatıdır.
Norveçdə bundan əvvəl ən böyük kokain əməliyyatı 2013-cü ildə keçirilib və bu əməliyyat zamanı 153 kiloqram kokainin ələ keçirildiyi açıqlanıb.
Busaat.az
